Heimeside

https://inf100.ii.uib.no

Emnets heimeside er den mest sentrale plattformen me nyttar i emnet. Her finn du plan for emnet, slides frå førelesingar, kursnotatar («boka») og oppgåvetekstar.

Emnestab

	Torstein Strømme Emneansvarlig
	Eirik Rekve Thorsheim Administrasjon og studierettleiar Ta kontakt ved spørsmål om emneregistrering, tilrettelegging, administrasjon og studieprogram.
	Gutama Ibrahim Mohammad Lab-administrator Ta kontakt ved spørsmål knytta til innlevering av labar: om du finn feil i automatisk retting, har problemar med innlevering, eller søkar utsetjingar/fritak
	Hilde Jordal Web- og labutviklar Ta kontakt om du finn feil i oppgåvetekstane eller har andre spørsmål knytta til emnets heimeside.
	Amy Zhang Undervisningsassistent
	Aleksandr «Sasha» Popov Undervisningsassistent

Me har òg mange gruppeleiarar, sjå eigen side.

Møteplassar

Plenum

førelesing kvar tirsdag kl 14:15 - 16:00 i RFB Aud 1.
labstart kvar fredag kl 14:15 - 16:00 i A66A.

Førelesingar vil òg strøymast og gjerast opptak av gjennom Videonotat (sjå lenkja til venstre på mitt.uib).

Dropp-inn

Mandag, onsdag, torsdag frå 10:15 til 16:00 og tirsdag, fredag frå 10:15 til 14:00 er det ope for dropp-inn i Konferanserom B på VilVite. Dette er ein plass der du kan arbeide med oppgåver i emnet og diskutera dei med gruppeleiarar om du sit fast.

Gruppar

Gruppa di møtast ein gong i veka i Konferanserom A på VilVite. Nokre veker nyttas gruppa si tid til presentasjon i små gruppar; då skal du berre møte i gruppa om du sjølv skal presentere. Men hugs at det då er dropp-inn i rommet ved sida av, du kan alltid gå der for å arbeide òg.

Du kan sjå gruppa di under «Personar» i menyen til venstre (hugs å være innlogga). Sjå oversikt over gruppar for å vita kven som er gruppeleiar i dei forskjellige gruppane.

Online

Meld deg inn i emnet si discord-server for diskusjon, spørsmål og svar, tips og triks.

Du kan godt vere anonym om du sjølv ynskjer.
Det skal vere låg terskel for å stille dumme spørsmål.
Faglige spørsmål skal stillast i den relevante kanalen, ikkje sendast som direkte-melding til gruppeleiar eller førelesar.
Ver grei.

Arbeidskrav

Obligatorisk. Desse arbeidskrava må vera godkjent for å kunne gå opp til eksamen:

Kviss. Det er 2 obligatoriske kvissar i emnet. Dei rettast som gjennomført/ikkje gjennomført. Det er altså ikkje nødvendig å svara «rett».
Presentasjon. Det er 3 obligatoriske presentasjonar i emnet. Presentasjonane krev fysisk oppmøte. Dei vil foregå i gruppetida di, så det er viktig at du melder deg inn i ei gruppe der tidspunktet passar. Presentasjonar rettast på bakgrunn av innsats (det er altså ikkje nødvendig å svara «rett» for å få bestått så lenge du demonstrerar at du er godt forberedt).

Teller på karakter. Desse arbeidskrava teller mot den endelige karakteren din i emnet:

Lab. Det er 8 labar som til saman utgjer 20% av karakteren din i emnet. Kvar lab utgjer altså 2.5% av karakteren. For å gå opp til eksamen må du få minimum halvparten av poenga frå labane.
Eksamen. Utgjer 80% av karakteren din i emnet. Sted og tidspunkt: sjå emnebeskrivelse.

Om uforskylde omstende som dokumentert sjukdom, heimevernsøving eller liknande hindrar deg i å fullføra eit arbeidskrav innen fristen, kan du senda søknad til lab-administrator om utsetjing eller fritak.

Plagiat og samarbeid

Les om kva fusk er og kva konsevensar det får.

Det er heilt greitt å bruka eksterne kjelder for å hjelpa deg å løyse oppgåvene dine, men: husk alltid å sitera kjelder du har brukt! ٔSitering kan t.d. vera ein kommentar direkte i koden:

# Linja under kjem frå Stack Overflow 7. aug 2020
# https://stackoverflow.com/a/1077349

Ein kan (sjølvsagt) ikkje kopiere ei komplett løysing til ei oppgåve frå andre, og ein må forstå kvar einaste linje i koda ein leverar. Kode og tekst som kjem frå bruk av kunstig intelligens skal også siterast.

De kan òg arbeida saman for å løysa labane, men alle forfattarar må nemnast i kvar innlevering. Til dømes om A og B jobbar saman, så må A og B levera kvar sin kode, og han skal innehalda namn på båe A og B (båe førenamn og etternamn). Om A løyser oppgåva først, held det at B skriver ein kommentar om at A har hjelpt han og med kva. Om du vel å samarbeida på ein lab, pass på at både du og dei du samarbeidar med forstår alle delar av koden de leverer.

Om du gløymer å oppgi kilder i arbeid du leverar inn, reknas det som plagiat. Konsekvensene kan vere alvorlige, og i verste fall kan du bli utestengd frå alle høgare utdanningsinstitusjoner i Norge i opptil to år.

Eksamen vil vera individuell og utan moglegheit for noko samarbeid. Eit godt tips er derfor å veksla mellom å løysa oppgåver i lag og individuelt.

Kontakt

For faglege spørsmål, spør på discord eller spør ein gruppeleiar i ei dropp-inn-time.

For andre spørsmål, ta kontakt med studierettleiar på institutt for informatikk.