På denne sida finn du gode eksamenssvar i emnet PSYK114.

Eit godt eksamenssvar kan vera skrive på ulike måtar og desse eksamenssvara er ikkje fasitar når det gjeld korleis eit eksamenssvar skal sjå ut, men kan sjåast på som døme på korleis ein god eksamen kan sjå ut. Dei oppgåvene som er lagt ut her er A- og B-oppgåver og vil såleis vera oppgåver som ligg på topp når det gjeld bådew innhald og struktur. Dei er likevel ikkje nøsvendigvis feilfrie, noko som er viktig å tenka på om du ønskjer å bruka desse oppgåvene som øving fram mot ein eksamen.

I lista under finn du eksamensoppgåver frå våren 2017. Eksamen var delt i 3 temaområde; Kognitiv psykologi, biologisk psykologi og utviklingspsykologi. Studentane skulle svara på 1 av 2 oppgåver innan kvar temaområde - til saman 3 oppgåver.

Eksamensoppgåver våren 2017:

Kognitiv psykologi:

1. Forklar kva som meinest med representativitets-heuristikken (engelsk ”the representativeness heuristic”) og beskriv korleis eksperimentelle funn tyder på at denne heuristikken vert brukt i menneskeleg tenking.

2. a) Forklar kva samanheng ein har funne mellom tvetydege figurar (engelsk ”ambiguous figures”) som til dømes ”and-eller-hare-illusjonen” og visuelle forestillingsbilete (engelsk ”visual imagery”).
b) Forklar og kva implikasjonar dette har for den teoretiske forståinga vår av visuelle forestillingsbilete.

Biologisk psykologi:

1. Kva er stress? Beskriv den fysiologiske reguleringa av stressrespons. Kva helsemessige konsekvensar kan oppstå ved ei langvarig aktivering?

2. Saka om pasient «HM» viser at hippocampus har ei svært viktig rolle i handsaminga av minne. Beskriv kva denne rolla er med omsyn til typar minne som er involvert.

Utviklingspsykologi:

1. Gjer greie for kjernekunnskapsperspektivet («core knowledge») på kognitiv utvikling. Drøft om perspektivet har støtte i forsking.

2. Kva er intelligens? Diskuter ulike faktorar som påverker utviklinga av intelligens.

Døme på gode oppgåvesvar:

PSYK114 Døme 1 våren 2017.pdf

PSYK114 Døme 2 våren 2017.pdf

PSYK114 Døme 3 våren 2017.pdf

PSYK114 Døme 4 våren 2017.pdf